Një i vdekur dhe katër të lënduar në një aksident trafiku

Një person ka mbetur i vdekur dhe katër të tjerë të lënduar nga një aksident që ka ndodhur në fshatin Celinë të Rahovecit.

Drejtori Regjional i Policisë së Gjakovës, Ahmet Hasi, ka deklaruar se dy prej të lënduarve janë në gjendje shumë të rëndë.

“Një person është i vdekur dhe katër të tjerë të lënduar. Dy prej tyre janë në gjendje shumë të rëndë, ndërsa dy të tjerë janë dërguar me vetëdije në Spitalin Rajonal të Gjakovës”, tha Hasi.