fbpx

Përfundon takimi në mes David Hale dhe liderëve të Kosovës

Takimi i nënsekretarit për Çështje Politike në Departamentin Amerikan, David Hale me presidentin e Kosovës, Hashim Thaçi, kryeparlamentarin Kadri Veseli dhe kryeministrin Ramush Haradinaj, ka përfunduar.

Sipas KosovaPress, takimi i cili është mbajtur në rezidencën amerikane, ka zgjatur rreth një orë.

Temë kryesore e takimit ka qenë vazhdimi i dialogut Kosovë-Serbi, si dhe pezullimi i taksës 100 për qind ndaj mallrave që importohen nga Serbia dhe Bosnja e Hercegovina.

Diplomati amerikan David Hale, dje ka qëndruar në Beograd. Gjatë takimit me presidentin serb, Aleksandar Vuçiq, Hale ka kërkuar vazhdimin e dialogut Kosovë-Serbi në kërkim të arritjes së një marrëveshjeje mes dy vendeve.