fbpx

Rama: Pa shqiptarët s’do të kishte Maqedoni të Veriut

Fjalën e tij gjatë punimeve të sesionit qendror të Samitit të Dytë të Diasporës në Tiranë kryeministri i Shqipërisë  Edi Rama, e nisi me krahasimin dhe zhvillimet e jashtëzakonshme që kanë ndodhur në harkun kohor mes samitit të parë dhe këtij të tanishmit. “Jo vetëm që shqiptarët në Shqipëri janë më mirë sot, se ç’ishin në kohën e samitit të parë, por ajo që konsiderohej si e pamundur për shqiptarët në Maqedoninë e Veriut, sot është realitet. Brenda këtij harku kohor, në Kuvendin e Maqedonisë së Veriut flitet shqip.

Ne jemi të interesuar që ai shtet të ekzistojë, të përparojë drejt integrimeve euroatlantike dhe shqiptarët atje të jenë më mirë sot dhe në të ardhmen, sesa ç’kanë qenë dje. Pa shqiptarët nuk do të kishte Maqedoni të Veriut, e aq më pak Maqedoni të Veriut në NATO apo BE”, deklaroi Rama. Nga ana tjetër Rama ftoi më tej shqiptarët në Tuz të Malit të Zi, të bashkohen dhe të lënë mënjanë armiqësitë e kota dhe të panevojshme me njëri-tjetrin, për të fituar dhe për të qeverisur në komunën e parë me shqiptarë në fqinjin tonë.

Alsat