fbpx

Tramp do të kërkojë edhe 8.6 miliardë dollarë për murin me Meksikën

US President Donald Trump inspects border wall prototypes with Chief Patrol Agent Rodney S. Scott in San Diego, California on March 13, 2018. / AFP PHOTO / MANDEL NGAN (Photo credit should read MANDEL NGAN/AFP/Getty Images)

Presidenti amerikan Donald Tramp nesër do të kërkojë nga Kongresi edhe 8,6 miliardë dollarë të tjera për ndërtimin e murit të kufirit amerikano-meksikan, raportuan përfaqësues zyrtarë amerikanë.

Tramp premtoi ndërtimi e murit i cili do të pengojë migrimin ilegal dhe tregtinë me njerëz dhe narkotikë.

Shuma është gjashtë herë më e madhe se ajo që e ka miratuar Kongresi për projektet kufitare në çdo prej dy viteve fiskale paraprake.

Demokratët, të cilët e kundërshtojnë ndërtimin e murit dhe e konsiderojnë si të panevojshëm dhe të pamoralshëm, e kontrollojnë Dhomën Përfaqësuese amerikane, kështu që supozohet se ka shumë pak mundësi që kërkesa e Trampit të kalojë në Kongres.

Siç transmetojnë agjencitë botërore pa marrë parasysh nëse Kongresi do ta miratojë kërkesën, kjo mund të ndihmojë që Trampi t’i parashtrojë argumentet e tij për sigurinë e kufirit në garën e ardhshme presidenciale në vitin 2020./mia/