fbpx

U vra gjatë grabitjes në Rinas, nuk pushohet çështja e Admir Murataj

Prokuroria e Krimeve të Rënda në Tiranë ende nuk ka mundur të sjellë provat në gjykatë të cilat vërtetojnë ligjërisht vdekjen e Admir Murataj edhe pse ka kaluar 3 javë nga vrasja e tij në grabitjen e Rinasit.

Akt-ekpsertimi i bërë nga mjeku ligjor ende nuk ka mbërritur në prokurori, ndërsa çregjistrimi i Muratajt në gjendjen civile në vendlindjen e tij në Tropojë ende nuk është bërë.
Oficerët e Krimeve të Rënda kanë qenë personalisht në Tropojë dhe kanë konfirmuar se 47 vjeçari ende nuk është çregjistruar.

Për këto fakte prokuroria kërkoi edhe dy javë të tjera kohë që këto dokumente t’i vihen ne dispozicion nga grupi hetimor që po heton grabitjen e 9 prillit.

Seanca e radhës u caktua në datën 14 maj. Sipas prokurorit gjurmët e gishtave kanë vërtetuar që është Admir Muratajt. Por gjykatësi Klodian Kurushi u shpreh se vetëm kjo provë nuk i mjafton gjykatës.