fbpx

Vuçiç javën e ardhshme shkon në Tiranë, takon Mogherinin për dialogun Serbi-Kosovë

Presidenti i Serbisë, Aleksandër Vuçiç, do të udhëtojë  me 8 maj në Romë për t’u takuar me zëvendëskryeministrin e Italisë, Matteo Salvini.

Mediat serbe raportojnë se temë kryesore e këtij takimi do të jetë dialogu me Kosovën.

Takimi mes Vuçiç dhe Salvinit pritet të jetë i mbyllur për mediat.

Në mbyllje të takimit në Romë, Vuçiç do të udhëtojë në mbrëmje drejt Tiranës  për t’u takuar me Përfaqësuesen e Lartë të BE-së, Federica Mogherini në kuadër të procesit ‘Brdo-Brioni’ i cili do të mbahet në kryeqytetin shqiptar për dy ditë.

Edhe te takimi mes Vuçiçit dhe Mogherinit temë diskutimi do të jetë dialogu mes Kosovës dhe Serbisë.

Kjo do të jetë vizita e dytë e Aleksandër Vuçiç në Shqipëri, por e para si president i Serbisë.

Në maj të 2015 ai e vizitoi Tiranën në cilësinë e kryeministrit të Serbisë.